Fillimi i vitit shpesh mund të duket i mbingarkuar: pas festave dhe pritshmërive të larta, vitet në vijim sjellin edhe presionin për të arritur objektiva të rinj, përmirësuar shëndetin dhe rregulluar gjithçka. Por, ndonjëherë zgjidhja për një shëndet më të mirë është të bëni më pak dhe të mësoni të hiqni dorë nga përpjekja për përsosmëri.
Dr. Ellen Hendriksen, psikologe dhe autore e librit “Si të jesh mjaftueshëm”, shpjegon se shumë njerëz përjetojnë perfeksionizëm, duke u përpjekur gjithmonë të jenë më të mirët. Ajo thekson se ky lloj perfeksionizmi shpesh është më shumë lidhur me një ndjenjë se “nuk jam mjaftueshëm mirë”, sesa me kërkimin e përsosmërisë për hir të saj. Perfeksionizmi mund të ndikojë negativisht në shëndetin mendor dhe fizik, si dhe të çojë në sëmundje si depresioni, OCD dhe çrregullime të tjera.
Hendriksen ka disa këshilla për të thyer ciklin e perfeksionizmit dhe për të përmirësuar mirëqenien:
- Mos e lidhni vlerën tuaj me arritjet: Ne shpesh e masim vlerën tonë me sukseset, por vlera jonë është më shumë se sa arritjet. Perfomanca jonë nuk përcakton kush jemi.
- Ulni tonin e kritikës së brendshme: Mendimet vetëkritike nuk janë fakte. Mos e merrni çdo mendim të brendshëm si të vërtetë; trajtojeni si zhurmë në sfond.
- Pranoni dhembshurinë për veten: Dhembshuria për veten mund të jetë e thjeshtë, si një frymëmarrje e thellë ose leje për të pushuar pa ndjenja faji.
- Lëreni përtacinë tuaj të brendshme: Nuk është gjithmonë e nevojshme të jeni produktiv. Bëni ato që ju pëlqejnë pa u ndjerë të detyruar.
- Bëni punë të mirë për arsyet e duhura: Mbani standardet e larta, por përqendrohuni te puna, jo te vetja. Punoni për përmirësimin e asaj që bëni, jo për të provuar se kush jeni.
Në fund, është e rëndësishme të mbani ekuilibrin, të kuptoni se shpesh më pak është më shumë dhe të mësoni të pushoni pa presionin e vazhdueshëm për të qenë të përkryer.
