Arjeta Dhima sjell një shfaqje unike dhe të rrallë për publikun shqiptar më 22 tetor, në Teatrin Eksperimental “ArTurbina”. Artisja prezanton “Ventrilokuizëm Show”, një mbrëmje plot humor, magji dhe surpriza që premton të mbetet gjatë në kujtesën e spektatorëve.
Ky është i vetmi show i këtij lloji në rajon, duke e bërë eksperiencën edhe më të veçantë për të gjithë ata që do të marrin pjesë. Ventrilokuizmi, një formë arti e rrallë që kombinon teatrin, komedinë dhe mjeshtërinë e zërit, do të vijë për herë të parë në skenën shqiptare me një produksion të realizuar nga PRE POST, me mbështetjen e Ministrisë së Turizmit, Kulturës dhe Sportit.
Data: 22 Tetor 2025
Ora: 20:00
Vendi: ArTurbina, Teatri Eksperimental – Salla 150
Rezervime: 069 407 7755
Publiku shqiptar është i ftuar të përjetojë një natë të pazakontë, ku arti, humori dhe origjinaliteti bashkohen në një show që nuk duhet humbur.
