Kur bëhet fjalë për truri, një dietë e shëndetshme, një higjienë e mirë gjumi dhe stërvitja e shpeshtë janë jetike, por ai thekson se ka edhe një faktor tjetër po aq të rëndësishëm, thotë Dr. Richard Restak.
Restak, 82 vjeç, është autor i më shumë se 20 librave për trurin. Në ″Udhëzuesi i plotë për kujtesën: Shkenca e forcimit të mendjes suaj”, ai ndan mënyra të mbështetura nga shkenca për të përmirësuar kujtesën tuaj dhe për ta mbajtur trurin tuaj të mprehtë.
I pyetur se çfarë bën për të mbajtur trurin e tij të shëndetshëm është shprehur:
“Përpiqem të shmang mërzinë. Përpiqem të qëndroj aktiv”, thotë Restak. “Unë mësoj fjalë të reja, praktikoj ushtrime të kujtesës dhe i bëj argëtuese”.
Shmangni mërzinë, qëndroni të sfiduar!
Pjesë e rutinës së tij të përditshme është një ushtrim i thjeshtë dhe efektiv për forcimin e kujtesës, të cilin e praktikon gjatë shëtitjeve të mëngjesit me qenin e tij.
Para se të dalë nga shtëpia, Restak krijon një listë me 10 fjalë të rastësishme dhe cakton qëllimin për t’i mbajtur mend duke i renditur ato. Restak shpjegon se sekreti qëndron në krijimin e lidhjeve vizuale dhe tregimeve.
“Mënyra jonë më e spikatur për të kujtuar diçka është ta kthejmë atë në një imazh. Sa më i çuditshëm dhe i dallueshëm të jetë imazhi, aq më mirë do të mbahet mend”, thotë ai.
Për të përforcuar kujtesën, ai krijon histori të vogla që lidhin çdo fjalë me një vizualizim unik. Ai thekson rëndësinë e sfidimit të vazhdueshëm të mendjes dhe largimit nga monotonitë: “Shmangni mërzinë, qëndroni të sfiduar,” thotë ai.
Për ata që kërkojnë mënyra për të përmirësuar kujtesën dhe për të mbajtur mendjen të mprehtë, ushtrimi i thjeshtë i Restakut është një shembull frymëzues dhe i lehtë për t’u ndjekur.
