Eloni Musk dhe pick-up-i i tij me dizajn poligonal, Tesla Cybertruck, ka shkaktuar shumë debate dhe është një dështim në shitje, duke humbur objektivin e tij për numrin e shitjeve me një diferencë të madhe prej 84%. Në dukje gjërat po përkeqësohen akoma më shumë, dështime në industrinë automobilistike ka pasur edhe më parë, nga Ford Edsel dhe Pinto deri te Pontiac Aztek i General Motors. Gjithashtu vetë John Delorean dhe makina e tij e famshme DMC-12, e njohur nga filmi “Back To The Future”, ishte një dështim që çoi kompaninë në falimentim.
Tesla Cybertruck për momentin është produkti që ka arritur të kthehet në një dështim të madh. Prej më shumë se një viti në treg, shitjet e këtij automobili të rëndë 6,600 paund, që nis nga çmimi 82,000 dollarë, janë shumë më të ulëta se sa kishte parashikuar Musk. Problemet me cilësinë e tij, si dhe dizajni polarizues, kanë bërë që të shndërrohet në një objekt talljeje dhe komentesh të shumta. Përveç kësaj, ky model është bërë një pikë e rëndësishme për protestat globale kundër Tesla-s, të cilat janë shkaktuar nga politikat e Musk dhe vendimet për uljen e numrit të punonjësve.
“Është në të njëjtin nivel si Edsel,” thotë Eric Noble, president i CARLAB, një kompani konsulencash dhe profesor në ArtCenter College of Design në Pasadena, Kaliforni (ku punonjësi kryesor i dizajnit të Cybertruck, Franz von Holzhausen, është diplomuar). “Është një përpjekje shumë e madhe dhe një humbje shumë e madhe.”
Eloni Musk kishte thënë në nëntor 2019, “Unë nuk bëj fare hulumtime për tregun.” Ky është një shembull i përsosur i dështimit të tij me Cybertruck-un. Nëse gjykojmë vetëm nga shitjet, Cybertruck më keq se Edsel sipas tregut, ku ka mbetur simbol i një produkti të dështuar. Ford parashikoi të shiste 200,000 Edsel në vitin 1958, por arriti të shiste vetëm 63,000. Shitjet ranë akoma më shumë në vitin 1959 dhe marka u braktis në 1960. Musk kishte parashikuar se Cybertruck mund të shiste 250,000 njësi çdo vit. Në vitin 2024, Tesla arriti të shesë vetëm pak më pak se 40,000. Nuk ka asnjë shenjë që shitjet të rriten këtë vit, pasi janë në rënie gjatë muajve të parë, sipas të dhënave të Cox Automotive. Për më tepër, shitjet e përgjithshme të Tesla-s po bien, me një rënie prej 13% në tremujorin e parë, duke arritur në 337,000 njësi, shumë më poshtë parashikimeve.
Musk ishte shprehur gjatë një konference në nëntor 2023 se, “Kërkesa është e jashtëzakonshme. Ne kemi mbi 1 milion njerëz që kanë bërë rezervime për makinën.” Në përpjekje për të përmbushur këtë kërkesë të madhe, Tesla ndryshoi fabrikën e saj në Austin për të prodhuar deri në 250,000 Cybertruck në vit. Por, tani duket se ky investim ka qenë një gabim.
“Ata jo vetëm donin të shitnin shumë, por përgatitën dhe fabrikën për të shitur më shumë” tha Glenn Mercer, një studiues i industrisë. Por, parashikimi për kërkesë të madhe ka rezultuar i gabuar. Mundësitë për të eksportuar Cybertruck-n në tregje të huaja janë të kufizuara, pasi automobili është shumë i madh dhe nuk përputhet me disa rregullore të sigurisë në disa vende të botës.
Disa vite para se të niste prodhimi i Cybertruck, Musk kishte lënë të kuptohej se Tesla do të bëntë një makinë elektrike pick-up. Kur ai e prezantoi dizajnin e tij për herë të parë, Musk theksoi se nuk dëshironte estetikë tradicionale, por një pamje që do të ishte ndryshe nga çdo gjë tjetër. Ai tha se makinat e pick-up kanë qenë të njëjta për 100 vjet dhe se Cybertruck-i nuk do të dukej si asnjë tjetër.
Dizajni karakteristik i Cybertruck ka pasur dy ndikime kryesore, thotë një person i njohur me procesin e zhvillimit: dashuria e Musk për dizajnet shkencoro-fantastiko dhe vendimi për të krijuar një automjet që nuk do të kishte nevojë për pikturë. Nëse Tesla nuk do të përdorte pikturë, do të mund të kursente një shpenzim të madh për një fabrikë pikture dhe do të shmangte shqetësimet e EPA-së për ndotjen që shkakton kjo industri.
Në fund, Musk bëri një gabim të madh, pasi nuk e kuptoi se përse njerëzit blejnë makina pick-up – për të transportuar gjëra dhe për të lëvizur lehtësisht në kushte off-road. Cybertruck-i nuk është i aftë për asnjërën nga këto gjëra, siç është vlerësuar nga kritikat dhe një mori videosh që tregojnë Cybertruck duke u tërhequr nga makina të tjera si Ford F-150 apo GM Silverado.
Në fund të fundit, Musk e kishte futur Cybertruck-un në një treg shumë të vështirë për të depërtuar. “Nëse ka diçka që e dinë mirë tre kompanitë më të mëdha të Detroit-it, ajo është si të bëjnë makina pick-up me klientë të besueshëm,” thotë Mercer.
