Humbja e peshës lidhet me konsumin e më pak kalorive sesa digjet dhe ulja e marrjes së karbohidrateve të rafinuara mund të luajë një rol në këtë proces.
“Kjo është paksa një zonë gri,” thotë Bethan Crouse, nutricioniste e performancës në Universitetin Loughborough. Ajo nuk do t’u rekomandonte atletëve me të cilët punon të heqin plotësisht karbohidratet, ushqime si buka, drithërat, patatet dhe ëmbëlsirat.
“Megjithatë, ulja e marrjes së karbohidrateve mund të jetë e dobishme për humbjen e peshës, nëse arrijmë të kontrollojmë sasinë e përgjithshme të energjisë që marrim.”
Humbja e peshës në thelb varet nga ekuilibri energjetik: të konsumosh më pak kalori sesa shpenzon. Ka shumë mënyra për ta arritur këtë, përmes aktiviteteve të shumta fizike, ngrënies më të pakët ose zgjedhjes së ushqimeve me më pak kalori.
Sipas Crouse, reduktimi i disa karbohidrateve mund të jetë një mënyrë për të krijuar këtë deficit. Jo sepse karbohidratet vetë shkaktojnë shtim në peshë, por sepse lëndët e tjera ushqyese si fibrat, proteinat dhe yndyrnat zakonisht ngopin më shumë.
Do të ndiheni shumë më mirë nëse konsumoni një vakt të balancuar, të pasur me proteina, perime dhe yndyrna të shëndetshme, është një investim shumë më i mirë i ‘parave tuaja kalorike’.
Kjo është veçanërisht e vërtetë për karbohidratet e rafinuara, si buka e bardhë dhe ëmbëlsirat, të cilat treten shpejt. Ato mund të jenë të dobishme si një vakt i lehtë përpara stërvitjes, por nuk janë zgjedhja më e mirë si burim kryesor karbohidratesh. Në vend të tyre, Crouse rekomandon variante me më shumë fibra në vaktet kryesore, si orizi kaf dhe buka integrale, që lëshojnë energjinë më ngadalë.
“Do të ndiheni shumë më mirë nëse hani një vakt të balancuar me proteina, perime dhe pak yndyrna të shëndetshme,” thotë ajo. “Është një investim shumë më i mençur i ‘parave kalorike’.”
Crouse sugjeron të konsumohen më shumë karbohidrate në ditët kur stërviteni: “Kjo ul rrezikun e sëmundjeve dhe dëmtimeve, si dhe ndihmon trupin të përshtatet me ushtrimet.” Ndërsa në ditët e pushimit ose kur jeni më pak aktivë, mund të reduktoni sasinë e karbohidrateve për të ulur marrjen e përgjithshme të energjisë, me kusht që të vazhdoni të përfshini proteina për rikuperimin e muskujve dhe shumë fruta e perime për vitamina, fibra dhe antioksidantë.
