Shumë njerëz thonë se nuk u pëlqejnë reklamat e krijuara nga inteligjenca artificiale. Por një studim i Shkollës së Biznesit të Columbia tregon të kundërtën, reklamat e krijuara nga IA shpesh performojnë po aq mirë sa ato të krijuara nga njerëzit dhe mund të jenë më pak të kushtueshme.
Studimi, i kryer në bashkëpunim me platformën e reklamave Taboola, analizoi 4,633 çifte reklamash, që do të thotë reklama me vizuale të krijuara nga AI dhe nga njerëz, të lançuara nga të njëjtat kompani në të njëjtat kushte fushate.
Rezultatet treguan se shkalla mesatare e klikimeve për reklamat me AI ishte 0.76%, ndërsa ato të krijuara nga njeriu ishte 0.65%. Kjo sugjeron se reklamat me AI mund të performojnë më mirë, por hulumtuesit vunë re se këto rezultate nuk merrnin parasysh të gjitha ndryshimet brenda fushatave të ndryshme.
Për të testuar më tej, kontraktorët vlerësuan reklamat sipas nivelit të dukshmërisë së IA, në një shkallë nga 1 deri në 5. Pas kësaj, reklamat u ndanë në dy kategori: ato që dukeshin si të krijuara nga IA dhe ato që dukeshin më shumë njerëzore.
Rezultati? Reklamat me vizuale të krijuara nga IA performojnë më mirë se ato të njerëzve vetëm nëse nuk “duken si IA”.
Taboola identifikoi tre tregues vizualë që bëjnë një reklamë të duket si e krijuar nga IA:
-
Pamje shumë e përpunuar ose e stilizuar
-
Ngjyra të tepruara dhe të ndritshme
-
Simetri e tepërt e imazhit
Këshilla për bizneset: kur përdorni IA për reklama, shmangni këto elemente për të rritur klikimet dhe për të kursyer para.
Megjithatë, një studim i fundit nga Interactive Advertising Bureau tregon se majoriteti i konsumatorëve të rinj preferojnë që bizneset të zbulojnë përdorimin e IA në reklama. Pra, ndonëse reklamat me inteligjencën artificiale mund të jenë efektive dhe kursyese, transparenca mbetet e rëndësishme.
