Ndotja nga plastika në Sukaraja Beach në Lampung, Indonezi, 2024. Fotograf: Resha Juhari/We Animals
Drejtuesja e një koalicioni të vendeve kyçe me rol në mjedis ka paralajmëruar se bota do të ketë probleme të mëdha për të menaxhuar vëllimin e mbetjeve plastike pas një dekade, nëse nuk frenohet prodhimi i plastikës.
Ministrja norvegjeze Anne Beathe Tvinnereim, që përfaqëson një koalicion prej më shumë se 60 vendesh, theksoi nevojën për të zgjidhur çështjen e ndotjes plastike gjatë gjithë ciklit të jetës së saj, duke përfshirë zvogëlimin e prodhimit. Ajo shpreson se do të arrihet një marrëveshje, të paktën e përkohshme, megjithë kundërshtimin nga vendet prodhuese të naftës.
Ndërkohë, studimet kanë zbuluar prani të mikroplastikës në trupin e njeriut, duke theksuar ndikimet e rrezikshme për shëndetin dhe mjedisin. Bisedimet për një traktat global mbi plastikën, që ka për qëllim reduktimin e mbetjeve dhe menaxhimin e gjithë ciklit të plastikës, janë bllokuar, për shkak të kundërshtive ndaj uljes së prodhimit nga disa shtete, kryesisht ato që kanë industrinë e naftës, si Arabia Saudite dhe Rusia. Disa shtete të tjera po kërkojnë masa më të ashpra për të frenuar prodhimin global të plastikës.
Nëse nuk ndërmerren veprime, përdorimi i plastikës mund të trefishohet deri në vitin 2060, me pasojat e mundshme të rritjes së ndotjes dhe mbetjeve plastike që përfundojnë në landfill. Ministrja norvegjeze dhe koalicioni i saj po shpresojnë se vendet si Kina dhe Shtetet e Bashkuara mund të luajnë një rol kyç në udhëheqjen e këtij procesi për të shmangur një krizë të thelluar.
