Çmimi Nobel në fiziologji ose mjekësi për vitin 2025 do t’u jepet bashkërisht Mary Brunkow, Fred Ramsdell dhe Shimun Sakaguchi për “zbulimet e tyre në lidhje me tolerancën imunitare periferike”.
Çmimi Nobel në fiziologji ose mjekësi për vitin 2025 do t’u jepet bashkërisht Mary Brunkow, Fred Ramsdell dhe Shimun Sakaguchi për “zbulimet e tyre në lidhje me tolerancën imunitare periferike”, njoftoi të hënën Asambleja Nobel e Institutit Karolinska të Suedisë .
“Zbulimet e tyre kanë hedhur themelet për një fushë të re kërkimore dhe kanë nxitur zhvillimin e trajtimeve të reja, për shembull për kancerin dhe sëmundjet autoimune”, tha Asambleja në një deklaratë.
Fituesit do të marrin një çmim prej 11 milionë kronash suedeze (1 milion euro, 1.2 milion dollarë), si dhe një medalje ari nga Mbreti i Suedisë.
Cila është historia e çmimit?
Çmimi Nobel në fiziologji ose mjekësi është dhënë 115 herë për 229 laureatë midis viteve 1901 dhe 2024.
Çmimin e vitit të kaluar e ndanë amerikanët Victor Ambros dhe Gary Ruvkun për zbulimin e tyre të mikroARN-së, e cila shërben si çelës ndezjeje dhe fikjeje brenda qelizave që ndihmojnë në kontrollin e asaj që bëjnë qelizat dhe kur e bëjnë atë.
Çmimi në fizikë do të shpallet të martën, çmimet në kimi do të bëhen publike të mërkurën, ndërsa ai në letërsi të enjten.
Të premten do të shpallet Çmimi Nobel për Paqen, ndërsa Çmimi Nobel Memorial në ekonomi do të shpallet më 13 tetor.
Ceremonia e ndarjes së çmimeve do të mbahet më 10 dhjetor, në përvjetorin e vdekjes së Alfred Nobelit. Nobeli ishte një industrialist i pasur suedez dhe shpikës i dinamitit, i cili vdiq në vitin 1896.
