Europa po përballet këtë javë me stuhinë “Goretti”, që ka sjellë borë të dendura dhe akull, duke shkaktuar vështirësi të mëdha: më shumë se 10 persona kanë humbur jetën, rrugët dhe transporti publik janë bllokuar, shumë shtëpi kanë mbetur pa energji elektrike, ndërsa aeroportet dhe hekurudhat janë ndërprerë.
Por çfarë mund të mësojë Europa nga Kanadaja, vendi i njohur për dimrin e gjatë dhe të ashpër? Patrick de Bellefeuille, meteorolog dhe specialist i klimës nga Quebec, i cili ka mbi 35 vjet përvojë në parashikimin e motit ka disa këshilla praktike për të përballuar borën dhe akullin, edhe në vende ku stuhitë janë më të rralla.
Si përgatitet Kanadaja për borën
-
Përgatitja e familjeve: Çdo shtëpi ka kripë apo lëndë de-icuese për trotuaret dhe hyrjet. Në makinë mbahen lopatë, bateri shtesë dhe lëndë për de-icing.
-
Parandalimi në rrugë: Autoritetet përdorin materiale të ndryshme sipas temperaturës: kripë kur është pak nën zero, rërë dhe zhavorr kur temperaturat bien shumë nën -15°C.
-
Rregullat e qarkullimit: Në Quebec, përdorimi i gomave dimërore është i detyrueshëm nga 1 dhjetori deri më 15 mars.
Transporti dhe stuhitë
-
Aeroportet kanadeze janë të përgatitura mirë: avionët mund të de-icohen njëkohësisht dhe pistat pastrohen vazhdimisht me makina speciale.
-
Nëse duhet të udhëtoni gjatë dimrit, ngadalësoni shpejtësinë dhe ruani distancë më të madhe. Për trotuaret, mund të përdoren gripa speciale për këpucët që shmangin rrëshqitjen.
Këshilla praktike për Europën
Patrick de Bellefeuille sugjeron:
-
Konsultoni parashikimet e motit dhe planifikoni ditën sipas kushteve.
-
Kur të jetë e mundur, qëndroni në shtëpi gjatë stuhive.
-
Transporti publik mund të përgatitet me goma dimërore ose zinxhirë, sidomos kur dimri është i papritur.
-
Ndryshimet klimatike mund të sjellin stuhitë e forta edhe në Europë. “Do të duhet të mësojmë të përshtatemi me stuhitë dhe akullin,” thotë de Bellefeuille.
