Eklipsi më i gjatë në 100 vjet po vjen. Mos e humbisni

⁹NASA ka konfirmuar se eklipsi total diellor i datës 2 gusht 2027 do të jetë më i gjati i shekullit, me një fazë totale prej 6 minutash e 23 sekondash. Ky fenomen, plotësisht i parashikueshëm nga ndërveprimi mes diellit, hënës dhe tokës, do të shtrihet nga jugu i Spanjës deri në bregdetin e Somalisë.

Kohëzgjatja e një eklipsi total diellor ndryshon gjithmonë. Në prill 2024, eklipsi që kaloi mbi Amerikën e Veriut zgjati 4 minuta e 28 sekonda. Ndërsa ai që do të shihet në Spanjë në gusht 2026 do të zgjasë vetëm 1 minutë e 43 sekonda. Megjithatë, brenda më pak se dy vitesh, të dy do të zbehen nga bashkërendimi më i gjatë i shekullit.

Sipas kalendarit të eklipseve diellore të NASA-s, eklipsi më i gjatë diellor në 100 vitet e fundit do të ndodhë më 2 gusht 2027. Faza e tij totale do të zgjasë 6 minuta e 23 sekonda. Gjatë kësaj periudhe, rajone të Evropës, Afrikës së Veriut dhe Lindjes së Mesme do të jenë nën hijen e Hënës. Sipas hartës së NASA-s, eklipsi do të nisë në Marok dhe në jug të Spanjës. Më pas do të vazhdojë mbi Algjeri, Tunizi, Libi, Egjipt dhe Arabinë Saudite, duke kulmuar në Jemen dhe bregdetin e Somalisë. Kohëzgjatja maksimale do të regjistrohet në Egjipt, konkretisht në Luksor dhe Asuan, të njohura për tempujt e tyre funerare.

Pavarësisht teorive të shumta konspirative që shoqërojnë çdo eklips diellor, ato nuk ndikojnë në shëndetin tuaj dhe nuk kanë asnjë efekt fizik mbi planetin. Eklipset janë fenomene natyrore dhe plotësisht të parashikueshme, rezultat i ndërveprimit mes diellit, hënës dhe tokës. Për më tepër, eklipset diellore nuk janë ekskluzive për planetin tonë: edhe Marsi dhe Hëna i përjetojnë ato, siç është vërejtur së fundmi.

Ka edhe eklipse të tjerë totalë diellorë me kohëzgjatje të ngjashme, por për ta, nevojiten dekada pritjeje. Sipas llogaritjeve të NASA-s, këta janë disa prej eklipseve të tjerë me kohëzgjatje të lartë:

• 12 gusht 2045: 6 minuta, 6 sekonda

• 30 prill 2060: 5 minuta, 12 sekonda

  
  Lexo edhe: Jeta me vdekjen – Shkenca dhe besimi

• 24 gusht 2063: 5 minuta, 49 sekonda

• 11 maj 2078: 5 minuta, 40 sekonda

• 3 shtator 2081: 5 minuta, 33 sekonda

• 22 maj 2096: 6 minuta, 6 sekonda                                                                                        Wired

  Lexo edhe: Bletët po përballen me kërcënime të reja: paralajmërojnë shkencëtarët