Eva Buzo përfunduoi udhëtimin e saj prej 35 orësh e 17 min (për 92 km). Distanca ishte nga brigjet e Leçes deri në Gadishullin e Karaburunit, ku dhe ka prekur tokën shqiptare në një nga gjiret e Karaburunit, në afërsi të kepit të Gjuzës.
Avokatja shqiptare, e cila jeton në Australi, ka ndaluar shumë pak për të pirë ujë dhe udhëtimi vlerësohet të ketë qenë konstant, duke mos shfaqur asnjë problem gjatë udhëtimit .
Në momentin e mbërritjes Eva nuk ka qenë në gjendje të flasë për shkak të kalcifikimit të gojës nga kripa. Ndërkohë, raportohet se gjendja e saj është shumë e mirë.
Eva Buzo ka përfunduar me sukses rrugëtimin e saj të lënë në mes vitin e shkuar, duke treguar kështu një të jashëzakonshme fizike dhe psikologjike.
