Në Gjermani forcohet tradita që janari të kthehet në muaj diete të zgjedhur me dëshirë. Regjim i fortë ushqimi pas ditëve të festave mbushur me ëmbëlsira e mish.
Në janar konsumatorët gjermanë blejnë më rrallë ëmbëlsira, alkool dhe mish. Nuk dihet se si do te jetë ky muaj, por duket se trendi, tashmë i njohur nga vitet e mëparshme, u përforcua ndjeshëm në janar 2024, sipas të dhënave të Zyrës Federale të Statistikave. Më e dukshme është diferenca në krahasim me dhjetorin 2023: Shitjet e ëmbëlsirave ranë me 59.6 për qind në janar 2024. Shitja e alkoolit ra me 49.7 për qind dhe e mishit me 29.4 për qind. Në të tre kategoritë dallimi është rritur në krahasim me vitet e mëparshme.
Fondue është një traditë për mjaft vetë në ditët e festave Fotografi: Christin Klose/dpa/picture alliance
Zyra Federale e Statistikave ia atribuon rënien e këtyre blerjeve heqjes dorë vullnetarisht nga këto blerje. Fushata të tilla si “Janari i thatë” ose “Veganuari”.
Shumë vetë e fillojnë vitin me premtimin se do të bëjnë më shumë sport Fotografi: Zoonar/picture alliance Rol kryesorë kanë edhe: festimet e pakta në janar, ose edhe konsumimi i rezervave të mbetura nga blerjet e mëdha në dhjetor. Çmimet e larta mund të luajnë po ashtu një rol, duke bërë që njerëzit pas festave të bëhen më të kursyer, shpjegojnë ekspertët e statistikave.
Pas ditëve me alkool të festave vijnë ditët e çajit Fotografi: Christin Klose/dpa/picture alliance DW
