Në një intervistë të fundit, Bekim Biçaku, një zhvillues lojërash i diplomuar në Shkenca Kompjuterike, ka ndarë arritjet dhe planet e tij për të ardhmen.
Ai ka lançuar disa lojëra të suksesshme, ku përfshihen “Flappy Fish 3D,” “Geometry Crash,” dhe “Dizzy Car,” që secila ka tejkaluar 10,000 shkarkime në Google Play Store muajin e kaluar.
Biçaku ka falenderuar lojtarët dhe ndjekësit e tij, për mbështetje dhe reagime pozitive në postet e tij.
Biçaku ka zhvilluar lojëra që janë të aksesueshme dhe të lundrueshme ndërkombëtarisht, duke përfshirë “Geometry War,” një lojë multiplayer dinamike, “Flappy Fish 3D,” një lojë sfiduese me një peshk që fluturon përmes pengesave, “Dizzy Car,” ku lojtari kontrollon një makinë në një pistë të lakuar, dhe “Geometry Crash,” një lojë match-3 e shpejtë.
Ai ka qenë i angazhuar në zhvillimin e lojërave për më shumë se 3 vjet, duke filluar nga viti 2021, kur pandemia COVID-19 i dha mundësinë të përqendrohet në këtë pasion. Lojërat e tij janë të disponueshme falas në Google Play Store, me një audiencë të gjerë ndërkombëtare.
Ai gjithashtu ka përvojë në zhvillimin e lojërave me Unity dhe C#. Bekim Biçaku ka punuar kryesisht i vetëm, duke përdorur softuerë të ndryshëm për ndihmë, si YouTube për tutoriale dhe muzikë, Google dhe StackOverflow për ndihmë në kodim, Pinterest dhe Photoshop për imazhe, Blender për modelime dhe Mixamo për animacione, etj. Në të ardhmen, Biçaku planifikon të zhvillojë projekte të reja, përfshirë një lojë edukative për mësimin e gjuhëve të programimit dhe një lojë 2D argëtuese. Ai gjithashtu synon të bashkohet me studio të mëdha si Unity ose Activision për të kontribuar në projekte të mëdha ndërkombëtare.
Lexoni edhe: Artet dhe zanatet i japin jetës kënaqësi më të madha sesa puna, tregon sondazhi
