Muzikantët e mrekullueshëm të “Life and Music Concept Orchestra” do të luajnë në një koncert shumë të veçantë në Tiranë nesër pasdite, 4 shtator.
Një ndërthurje e muzikës më të bukur të filmit, ritmet baroke dhe ato ballkanike, por edhe orkestrime origjinale të muzikës alternative do të prezantohen në një mbrëmje të vetme.
Shënoni në axhendat tuaja 4 Shtator ora 19.00 në sheshin Nënë Tereza në Tiranë.
Koncerti ofrohet falas për audiencën, falë mbështetjes së Amerikan Bank of Investments (ABI Bank) dhe Harabel Contemporary.
“Life and Music Concept Orchestra” është një orkestër e ngritur nga violinisti Kledis Rexho, me artistë shqiptarë dhe të huaj, prej vitit 2022 dhe në programin e saj, parashikon jo vetëm shpërndarjen e muzikës së mire, por edhe zbulimin dhe fuqizimin e talenteve shqiptare. Kjo orkestër vjen me një program të dedikuar pedagogjik, e cila në më pak se 3 vite ka përfshirë dhjetëra artistë të rinj shqiptarë.
