Në fshatin Lin në Pogradec ka rinisur projekti kërkimor shkencor “Lin 3, gërmime arkeologjike nënujore” me ekipin shqiptaro-zvicerian.
Përmes një postimi në rrjeteT sociale lajmin e ka bërë të ditur kryeministri Edi Rama, ku ka ndarë pamje nga kërkimet.
Ai shkruan se kanë nisur përgatitjet për vënien në mbrojtje dhe shpalljen e tij zonë arkeologjike, që pritet të ndodhë brenda vitit 2024.
Rama shkruan, ”Duke vlerësuar rëndësinë e këtij zbulimi arkeologjik, Ministria e Ekonomisë, Kulturës dhe Inovacionit dhe Instituti Kombëtar i Trashëgimisë Kulturore, janë duke punuar për përgatitjen e vendimit për vënien në mbrojtje dhe shpalljen e tij zonë arkeologjike, e cila pritet të finalizohet brenda vitit 2024″.
