Në thirrjen e fundit të granteve për startup-et, i cili është i hapur aktualisht, lehtësuesit janë të thirrur në apel për të qenë në krah të startup-eve aplikuese.
Në dokumentacionin e aplikimit nga ana e startup-it, sipas të dhënave të Ministrisë së Sipërmarrjes, kërkohet edhe një çertifikatë shoqëruese nga lehtësuesi, ndërsa pjesë e aplikimit është edhe CV e lehtësuesit që keni përzgjedhur.
Startup-et nuk janë të detyruara të aplikojnë me një lehtësues përkrah, por aplikimi kjo rrit mundësitë e përfitimit, pasi në vlerësim ato kanë një pikëzim më të lartë. Kjo shkon përkrah edhe pikëzimeve të tjera që avantazhojnë startup-in, siç është aplikimi nga startup-et femra.
Në një takim të zhvilluar së fundi nga Agjensia e Startup-eve dhe insitucionet lehtësuese, qendra formimi, universitete, etj. Drejtori i Agjensisë Arjan Ymeri shpjegoi rolin e lehtësuesve në këtë proces.
Qendra Kallz është një prej këtyre lehtësuesve, që në tre vitet e fundit ka trajnuar dhe mentoruar mbi 120 startup-e që vinin nga Shqipëria, por edhe studentë apo sipërmarrës shqiptarë që jetojnë jashtë vendit. Pas trajnimeve dhe seancave të mentorimit ato janë bërë pjesë e kompeticionit të Women Startup.
E rrethuar me një ekip ekspertësh, profesionistë dhe sipërmarrës të gatshëm për të ndarë njohuritë e tyre, Kallz ka mundësinë të jetë në krah të startup-eve, në faza të ndryshme të tyre.
Ndaj, nëse je një startup dhe po planifikon të aplikosh në programin e granteve, për t’u informuar mbi rolin e lehtësuesit në këtë proces, mund të bëhesh pjesë e seancës së informimit që do të zhvillohet nga qendra Kallz me 26 Dhjetor, ora 17:00 duke klikuar Këtu!
Eventi Final 2024
Eventi Final 2023
Eventi Final 2022
