Nëse po kërkoni të gjeni qetësinë e brendshme shpirtërore dhe mendore gjatë pushimeve, është shpallur destinacioni i udhëtimit më pa stres në Europë.
I cilësuar si “mahnitës” dhe “i pashembullt” nga vizitorë entuziastë përdorues të platformës së njohur Reddit, qyteti i bukur francez Nicë tani është kurorëzuar si vendi me nivelin më të ulët të stresit.
Studimi i ri vlerësoi 25 qytete europiane për faktorë të ndryshëm, duke përfshirë nivelet e mbipopullimit, përqindjen e popullsisë me akses të përshtatshëm në transport publik, numrin e saunave dhe vendeve që ofrojnë shërbime të mirëqenies (wellness), si dhe numrin e parqeve.
Vendet e ndërtimit, zonat e plazhit dhe zonat e qytetit u morën gjithashtu në konsideratë, dhe një formulë u përdor për të llogaritur një rezultat përfundimtar nga 100 pikë ku Nica grumbulloi 75.4 pikë.
Pra, çfarë e bën kryeqytetin e rivierës franceze kaq të veçantë? 94.6% e popullsisë së qytetit ka akses të përshtatshëm në transport publik, ndërsa ka 97 Spa dhe pika ‘Wellness’ dhe 49 xhevahire natyrore.
Ekziston gjithashtu një raport relativisht i lartë plazhit/qytet, me 0,5 km2 rërë të artë.
Oslo në Norvegji doli në vendin e dytë me 75.2 pikë, ndërsa kryeqyteti austriak i Vjenës orie 68.2.
Më tej në listë, Stambolli i Turqisë kishte numrin më të madh të spa-ve dhe pikave të mirëqenies me 366, duke përfunduar me një rezultat 60.1.
10 destinacionet kryesore të Europës për udhëtime pa stres, sipas HAYPP:
- Nice, Francë 75.4/100
- Oslo, Norvegji 75.2/100
- Vjenë, Austri 68.2/100
- Reykjavik, Islandë 65.7/100
- Sofje, Bullgari/Marsejë, Francë 62.8/100
- Porto, Portugali 61.9/100
- Bolonja, Itali 61.0/100
- Stamboll, Turqi 60.1/100
- A Coruña, Spanjë 59.4/100
