Regjistro fëmijët në programet e Kallz

Në 7 vite përvojë, Kallz, Qender Multifunksionale ka synuar të edukojë dhe njëkohësisht të argëtojë fëmijët.

Me mbështetjen e prindërve dhe ekspertëve në fushën e edukimit janë siguruar disa programe të reja të dobishme për fëmijët tuaj. Më poshtë keni programet ku mund të regjistroni fëmijën.

1-Programim (Scratch) për fëmijë, i cili zhvillohet dy orë në javë. Përmes krijimit të lojërave dhe punës logjike, fëmijët do të mund të shohin rezultate konkrete gjatë punës në kompjuterat e rinj dhe klasën e ndërtuar pikërisht për të apasionuarit e vegjël të teknologjisë.

Kontakto: 0675331036

2- Financat Personale

Nuk është shpejt t’i mësosh fëmijës vlerën e parasë!  Si prindër duam t’u mësojmë fëmijëve tanë gjithçka që duhet të dinë për t’u bërë të pavarur dhe të suksesshëm në jetë. Ne i dërgojmë në shkolla të mira, paguajmë për mësime dhe kampe verore, por çfarë mund të themi për kulturën e tyre financiare dhe marrëdhënien me paranë?

Menaxhimi i parasë është një pjesë thelbësore e jetës sonë të përditshme. Ai ndikon në zgjedhjet që bëjmë dhe vendimet që marrim, e megjithatë ne jemi duke neglizhuar për t’u dhënë fëmijëve tanë një edukim financiar.

Ky kurs i mëson fëmijës parimet kryesore financiare që i duhen për të hyrë të përgatitur në jetë dhe për të marrë vendime të mira financiare.

3- Anglisht

Kurset e gjuhëve të huaja ofrohen në Kallz individualisht dhe në grup. Mësimi zhvillohet nga mësuese të profilizuara dhe me interes të lartë për të ndjekur zhvillimet gjuhësore dhe teknikat e reja të mësimdhënies.

3- Kurs Pikture

Qëllimi i kursit të arteve pamore është njohja e fëmijës me artin pamor në tërësi, rrymat e artit, teknikat (e përshtatura) dhe shprehjes së individualitetit të fëmijës, në varësi të personalitetit dhe moshës, pa e kornizuar apo kufizuar atë.

Në kurs mësohen teknikat e vizatimit, pikturës, grafikë, kolazhe, etj.

Puna në grup me fëmijët në arte pamore është mbresëlënëse, pasi dalin në pah veçoritë më të mira të fëmijës dhe fuqizon marrëdhëniet sociale mes tyre. Nxit frymën estetike dhe ndërvepruese në krijimtari. Kursi zhvillohet çdo të Premte, ora 17:00 për 1 orë e 30 minuta.

Pas Shkolle

Programi Pas Shkolle, është i përshtatshtëm veçanërisht për fëmijët e shkollave afër qendrës: Dëshmorët e Lirisë, Emin Duraku, Edit Durham, At Zef Pllumi dhe Vasil Shanto, për të cilët qendra ofron transport dhe ushqim. Mbështetja mësimore ofrohet nga mësues me përvojë dhe në kontakt të vazhdueshëm me praktikat e reja mësimore. Qendra mirëpret edhe fëmijë të shkollave private, apo të gjithë fëmijët që mund t’i sjellin prindërit për programin mësimor.

Kush përfiton? Fëmijët nga parashkollor deri në klasën e pestë.

E Shtuna në Kallz

Një ditë e veçantë i dedikohet argëtimit.  Zbuloni aktivitetet e të shtunave të muajit Mars, mes gatimeve, filmit, punimeve art&crafts, etj. Stafi i Kallz  ju garanton 3 orë argëtim dhe krijimtari.

Kontakto: 0675331036