Flamuri kuqezi u valëvit në O2 Arena të Londrës, ndërsa emri i Jurgen Uldedajt tashmë është shkruar me shkronja të arta në historinë e boksit.
Boksieri shqiptar arriti kulmin e karrierës së tij duke u shpallur Kampion Bote.
Në një postim të ndjerë në rrjetet sociale, ai ndau emocionet e fitores:
“Punë, disiplinë dhe sakrificë, sot ëndrra u bë realitet. Kampion Bote!
Faleminderit Zotit dhe familjes sime për mbështetjen dhe besimin, ekipit tim për përkushtimin dhe çdo tifozi që më ka mbështetur në çdo hap.
Kjo fitore është për ju të gjithë. Për Shqipërinë, me zemër dhe krenari!”, shkruan ai në Instagram.
Ky sukses i madh i sportistit shqiptar shkon përtej ringut, është një histori frymëzimi për brezat e rinj dhe një dëshmi e qartë se me punë, përkushtim dhe besim, ëndrrat bëhen realitet.
Fitorja e Jurgenit është një tjetër faqe e ndritur në kronikën e arritjeve të diasporës shqiptare, që vazhdon të shkëlqejë në sport, kulturë dhe çdo fushë ku shqiptarët japin maksimumin e tyre.
Nga Londra në Tiranë dhe nga Shkodra në Berlin, kjo fitore u përjetua si një moment krenarie kombëtare. Jurgen Uldedaj tregoi se suksesi nuk njeh kufij kur zemra rreh për Shqipërinë.
Burimi: Postim i Jurgen Uldedajt në Instagram
