Gëzuar Ditëlindjen Fadil Berisha!

Një ambasador i vërtetë i kulturës dhe bukurisë shqiptare ka ditëlindjen sot. Fadil Berisha, artist, human, ndër promovuesit e parë të bukurisë dhe vlerave shqiptare.

I njohur si fotografi zyrtar për konkurset e bukurisë Miss USA dhe Miss Universe, ai ka shërbyer edhe si fotograf kryesor për markën e orëve luksoze Rolex.

Ai u shpërngul me familjen në New York në moshën 8-vjeçare. I diplomuar në Institutin e Teknologjisë së Modës, punimet e tij janë paraqitur në revista të ndryshme të nivelit të lartë, të cilat përfshijnë Vogue, Bazaar, Elle, etj. Ai ka paraqitur fotografitë e tij të modës në Macy’s dhe Bloomingdales.

Klientët e tij personalë të fotografisë kanë përfshirë një shumëllojshmëri të gjerë të personazheve të famshëm,

duke përfshirë ish-presidentin Bill Clinton. Vitin e kaluar ai ka realizuar një set fotografik të Maya Musk.

Krahas të qenurit i famshëm, Fadil Berisha është bërë i dashur për shqiptarët, për dashurinë dhe krijimin e mundësive për mijëra shqiptarë. Projektet e tij për promovimin e Shqipërisë, përmes promovimit të bukurisë shqiptare e kanë bërë atë një ambasador të përjetshëm të Shqipërisë.

Në një intervistë të mëparshme për va-spas.com, z Berisha ndau me ne se, “isha fotografi kryesor i 96 shteteve për Miss Univers, ndaj formuam Miss Shqipërinë e parë. Anisa Kospiri ishte e para që erdhi në Amerikë, duke e prezantuar Shqipërinë në botë për herë të parë. Ajo ishte basketbolliste, e bukur, me sy blu. Pata mundësi të merrnim një vajzë nga Shqipëria edhe ta prezantojmë në skenat e mëdha. E prezantuam si princeshë, që bota ta shihte bukurinë shqiptare, jo si e kishte menduar deri atëherë, në një formë negative.”

Ai donte që e gjithë bota ta dinte që Nënë Tereza është shqiptare, ndaj i kërkon prezantueses që Anisën ta prezantojë: “Anisa Kospiri, from the Country of Mother Tereza, Albania”. “Vajza jonë ishte shumë e bukur dhe e zonja. Ajo e kaloi kompeticionin dhe doli në Top 10. Ishte periudha 2000-2001, në Porto Riko. Prania e një shqiptareje në konkurse ndërkombëtare dhe promovimi i saj, rriti entuziazmin edhe mes diasporës, mbi të cilën rëndonte imazhi dhe gjykimi negativ që bota ndërkombëtare kishte për Shqipërinë”, tha ai.

Në këtë ditë të lindjes së tij shumë miq nga mbarë bota e kanë uruar. Sopranoja jonë e njohur Ermonela Jaho, e quan ikonë, vizionar, artist dhe ambasador të vërtetë të bukurisë shqiptare në botë.

Ne e urojmë z.Fadil Berisha për një jetë të shëndetshme, plot art e vepra të shkëlqyera!

Postime të ngjashme

Filloni të shkruani termin tuaj të kërkimit më lart dhe shtypni enter për të kërkuar. Shtypni ESC për të anuluar.

Back To Top