Reuters ka publikuar “Trailblazing Women 2025”, me një përzgjedhje globale e grave që po udhëheqin ndryshime të rëndësishme në sektorët ku veprojnë, përmes inovacionit dhe lidershipit .
Në këtë listë elitare, mes 10 grave më të spikatura në sektorin e energjisë në nivel botëror, është përfshirë edhe Shqipe Neziri Vela.
Ajo është Menaxhere Projekti në Extractive Industries Transparency Initiative (EITI) dhe bashkëthemeluese dhe Drejtore e Kosovo Women in Energy and Mining
Reuters vëren se, përzgjedhja është bërë mbi bazën e arritjeve profesionale, ndikimit publik, kontributit social dhe aftësive udhëheqëse, duke vlerësuar gratë që kanë luajtur rol kyç në formësimin e politikave dhe praktikave të qëndrueshme në industri strategjike.
Shqipe Vela u vlerësua për udhëheqjen dhe ndikimin që ka në qeverisjen e burimeve natyrore, në promovimin e transparencës, si dhe përparimin e praktikave të qëndrueshme në industrinë e energjisë dhe minierave.
Aktualisht, ajo është e angazhuar në Sekretariatin Ndërkombëtar të Iniciativës për Transparencë në Industritë Nxjerrëse (EITI) në Norvegji, ndërsa njëkohësisht mban edhe postin e kryesueses së rrjetit profesional “Gratë në Energji dhe Miniera”, një platformë që synon fuqizimin e grave dhe rritjen e përfaqësimit të tyre në sektorët energjetikë.
Krahas energjisë, lista përfshin përfaqësues të sektorit të marketingut, bujqësisë, Klimës, Teknologjisë IA, etj
